跨年晚会“名场面”年年有
往年都靠绝美舞台
和“神仙对唱”来谷收视
而今年就俾观众笑“太癫”
各大卫视掌握流量密码
卷出新高度
明星放下包袱搞搞震
一齐睇下边啲节目
大家睇完念念不忘啦
//////
首先係薛之谦
突然喺台上除衫除裤
露出大花棉袄
吓到大家O晒嘴
原来佢用《演员》嘅歌词
爆改成《走四方》
《好汉歌》《大花轿》
呢个idea最早来自网友恶搞
但大家谂唔到佢可以
变成节目登上“大雅之堂”
离谱嘅舞美唔止一个
凤凰传奇和赵露思
合唱嘅《全是爱》
化身“吉祥三宝”
而开头时玲花
从曾毅和赵露思中间闪现
就十分有“抓奸”嘅既视感
本身以为来抢返队友
点知係来抢走露思妹妹
//////
除咗呢啲骑呢舞台
让观众大为惊叹大饱眼福
受“五月天假唱风波”影响
呢次嘅唱歌节目
大家都好实诚
宁可出丑都要keep住真唱
孟子义作为演员、综艺咖
“音痴”名号众人皆知
俾安排周华健等人合唱
但就算唱得细细声
六个人冚唔住佢嘅走音
事后孟子义向周华健道歉
声称“已经尽力了”求放过
但佢嘅唱功仍然备受争议
而另一位因失误
而登顶热搜嘅节目
就係谢娜唱《我的纸飞机》
因过于感动流泪失声
台上佢一边唱歌一边凑B
唱到代入妈妈角色
全程热泪盈眶
确实係个几感性嘅人咯
今年嘅跨年晚会
都表演咗社交平台上热门bgm
比如古力娜扎着成仙女
去台上热舞跳“我没K”
女团成员Amber、程潇
唱跳网红歌《爱如火》
而王鹤棣同宋茜错位吻
合唱《屋顶着火》好惹火
台下睇戏嘅都惊佢哋擦枪走火
但唔係每首网红歌都咁易唱
呢首靠极致调音制作嘅
纯爱be神曲《悬溺》
差啲“送走”两位资深歌手
“实力唱将”张信哲、蔡国庆
俾安排演绎呢首歌
网友纷纷为佢叫喊冤
“南村群童欺我老无力，
跨年逼我唱悬溺”
张信哲唱到高潮仿佛俾击碎
走音+痛苦面具惹人怜
真系应咗呢首歌嘅意境
//////
跨年晚会话到底
都係实力歌手嘅主场
有好多幸运儿都有机会
唱翻自己嘅热歌
俾观众“如听仙乐耳暂明”嘅感受
其中邓紫棋带来三首歌
全部来自佢演唱会嘅开场舞台
啱好呢个周末就喺深圳开show
粉丝喜提演唱会15分钟试听版
林俊杰发挥稳定
同样把演唱会帮上跨年晚会
带来超带感嘅视听盛宴
蔡依林嘅串烧同样好顶瘾
18分钟全开麦唱跳
自带舞团又有流量
绝对係性价比top嘅明星
讲到跨年晚会最忙嘅人
周深几乎年年都做“劳模”
今年佢更连跑6台晚会
用4种语言表演咗14场节目
仲要个个表演都好精彩
除咗上面嘅“名场面”
仲有边个节目
让你仲没行出“戒断反应”
到依家仲喺度回味紧？
快啲去下面同大家分享下啦！
来源：可乐生活Color微信公众号
编辑：张子殷
审核：曾敏妍
签发：骆苹
